香港小朋友面對林林總總嘅課外活動，究竟點揀先啱？不同因素都會影響家長同小朋友選擇適當嘅課外活動，時間、金錢、外在因素如社會期望、小孩競爭力等都會係普遍家長嘅考慮因素。要選擇一個合適課外活動並非易事，以下希望可以幫到大家。

首先，父母應該問下自己，你地嘅小朋友性格係點呢？　
唔同類型嘅小朋友適合唔同類型嘅課外活動，小班定大班以及唔同嘅老師都好取決於小朋友性格。如果你嘅小朋友有自信、獨立、善於交際，參加大班課外活動可能更為適合，大班課可以為小朋友提供一個結識新朋友以及一齊活動嘅機會，又可以俾佢地獨立地完成不同任務；相反如果小朋友比較安靜同內向，能夠提供更多注意同指引俾小朋友嘅小班甚至乎一對一課外活動可能會更適合佢地。

小朋友可以花幾多時間於課外活動上呢？　
就讀全日制學校嘅小朋友，放學要預留時間做功課，如果太多課外活動可能會影響到佢地嘅健康同睡眠規律，亦都會令佢地身心俱疲。家長都唔好忘記要計算埋去參加活動嘅路程時間，再決定應該參加幾多課外活動。如果小朋友成日都投訴嫌悶，可能就係時候為佢地安排興趣班喇！

小朋友喜歡咩類型活動？
最理想嘅課外活動可以讓小朋友產生興趣以及樂在其中。家長可以多留意小朋友平時活動嘅情況，好似喺屋企玩或者同朋友喺公園玩都可以了解到小朋友鍾意邊類型活動。如果小朋友已經大個，能夠表達佢地嘅興趣，家長應該細心聆聽，並思考佢地嘅長短處。課外活動提供一個既輕鬆有趣、氣氛友善嘅環境，令小朋友可以搵到自己長處並加以發展。

成本因素：
課外活動價錢可能係好多家長考慮因素之一，好多一對一活動都可以相當昂貴，但其實市面上有唔少課程都價錢便宜可供家長選擇。YMCA提供唔少歷時十星期嘅課外活動，價錢都相對便宜同細班。除此以外，唔少學校提供嘅活動價錢都非常便宜，有啲更費用全免。家長亦都可以考慮同其他興趣相若嘅小朋友或者家長組成興趣小組，好多時只要達到最低開班人數，興趣班都會提供優惠！喺正式報名付款前，家長可以嘗試問下學校會否提供試堂，亦應該問清楚退款程序。小朋友有機會唔鍾意某啲興趣班，如有需要，有啲課程願意退還部份款項。

如果小朋友於興趣班玩得唔開心應該點做？
假如不幸地小朋友唔鍾意某興趣班，家長應該同小朋友坐低一齊討論點解佢地會唔鍾意並商討決策，視乎情況決定有無需要退出課程，。家長亦無需強迫小朋友參與一啲佢地不感興趣嘅課外活動，相反家長亦都唔應該假設小朋友唔鍾意就等如想退出，反而應問清楚小朋友唔鍾意嘅原因。以下可能係小朋友唔鍾意嘅原因：
老師教得太快；
我好驚要自己一個表演；
呢個活動太難/太易；
導師唔肯俾多啲嘢我玩；
班上面有人煩到我；
我唔鍾意訓練；
如果小朋友被欺凌或感到焦慮，家長一定要不容忽視。通常小朋友都唔知道家長可以直接同老師或者導師講出問題同一齊解決。不論課程昂貴與否，通常都只會歷時10至12星期。

課外活動應該要適合小朋友年齡、有趣味、富鼓勵性並能協助小朋友有正面發展，家長同小朋友都應該要訂下合理期望。小朋友有可能要參與幾項課外活動先會選擇到一樣適合自己，家長可以多鼓勵小朋友嘗試並選擇適合嘅活動。童年時間係最適合小朋友發展興趣同強項，家長應該多給予支持同鼓勵。

作為一名香港幼稚園教師，我經常被家長問及如何與學生進行閱讀。以下這些點子，我相信可以讓你和孩子展開 『愛閱讀』的旅程了。

---

➡【Join our Mighty Oaks family!/ 快來加入奧恩大家庭】
➡【 Sign up for Acorn Trial Class now!/Acorn 試堂優惠】