正值農曆新年嚟緊，呢篇文章並唔係關於唔批准小朋友去擁抱姨姨叔叔、亦都唔係要去停止大家正常嘅家庭習慣，只係希望當小朋友唔可以表達自己意見嘅時候，給成人一個提醒。

小朋友有強勁嘅直覺，有時小朋友會因為唔同嘅原因而拒絕去親吻親戚或者家庭朋友，而好多時大人都會忽視左小朋友嘅意見，因為大人「希望佢地咁做」，因為「唔好睇」、或者好似比較「有禮貌」。好多時小朋友被強逼去親吻或者擁抱一個佢地唔想親吻或者擁抱嘅人，再被告知佢地想做嘅事並唔重要，大人嘅意願同感受較為重要。

咁樣會設下左危險嘅先例，如果一個小朋友被習慣性地告知佢地嘅身體唔屬於佢地自己，或者沒有拒絕的權利，即使好似親吻祖母那樣無辜的事情，又或者遇到其他不懷好意嘅大人都會無法拒絕。小朋友可以如何神奇地學到呢啲嘢？你唔可以期望一個小朋友做你想佢地做嘅嘢，然後神奇地了解佢地自己嘅思想地成長。要佢地了解自己嘅思想就先要准許佢地講出意見。

點解？因為教導同意係一件由3歲至13歲都好重要嘅事。一位性教育者及社區組織者Arial Clark講過教導小朋友身體自主呢件事永遠都唔會太早，「感情應該被自由地給予，這意味著它需要自由地保留，」。用甜言密語去令小朋友親吻婆婆好似無害，但Clark解釋「當孩子的身體自主沒有被考慮的時候，有很多事情要教給孩子，當中包括「你嘅身體比你更重要，你的身體給予的感情或安慰比你給予他的感覺更重要」。

性教育論壇其中一位發起人Lucy Emmerson最近都發表左類似意見，佢相信學習同意要由0歲開始。「小朋友好多嘢都係透過每日嘅經驗學習，包括佢地嘅意見有無受到重視，以及佢地是否能控制與他人的身體接觸」。

一個關注小朋友受虐嘅國際組織（National Association for People Abused in Childhood) 總裁 Peter Saunders 講過:「小朋友唔應該被強逼去做任何會令佢地覺得唔舒服嘅事，在與他人相處中對於令佢地唔唔舒服嘅人會特別敏感，我地需要尊重佢地。有啲事情係我地讓孩子做的，咁就唔同，好似刷牙，，呢樣同界限有關，強逼小朋友親吻佢地唔想親吻嘅人會模糊左呢條界限並令佢地分唔到對與錯同佢地身體嘅自主權。」

你嘅小朋友可能好怕羞、內向或者需要更多時間。你嘅小朋友可能會無原因地唔想親吻某親戚，不過有一日，佢地可能對某啲人有強烈感受。如果有成年人因為小朋友無親吻或者靠近佢地而感到不快，咁呢些成年人應該處理呢種被遺棄嘅感受，而唔係改變孩子。可能咁樣會在短時間內令長輩感到失望，但Clark提醒家長，成年人應該可以處理被拒絕嘅心情，呢個負擔唔應該落喺小朋友身上，佢亦都話家長讓身體自主權合理化，咁每個人都可能會適應新的常態。

如果有長輩唔明白或覺得有問題，大家可以花少少時間同佢地解釋你嘅決定，解釋如果咁樣都唔係一個問題就暗示左佢地有權任意地觸摸你嘅小朋友，亦都會傳遞左一個錯誤嘅訊息就係親戚唔係施虐者，但事實係，統計發現其實好多施虐者都係小朋友識嘅人。

你可以為小朋友準備一個與其他家庭成員聚會的情景，話佢地知可能好多親戚都會期望可以擁抱或親吻，用短句「擁抱、握手、或者High Five?」，喺屋企同小朋友練習，令小朋友知道自己有主導同決定權。喺聚會當中，用相同短句提醒小朋友同親戚。

呢度有四樣嘢可以取替親吻:
⁃ 拍手
⁃ 碰手肘
⁃ 碰拳頭
⁃ 飛吻

了解同意係性教育重要嘅一環，而強逼你嘅小朋友滿足大人期望只會令佢地混淆。你嘅小朋友有自己的身份身份同係一個有自己感受嘅個體，無論佢地幾歲都應該尊重佢地。有強勁嘅同意槪念，我地可以話俾佢地知佢地可以控制觸碰邊個，亦話佢地身體係屬於自己嘅，唔係要嚟滿足其他人嘅感受，用正面嘅態度咁睇自己嘅身體。

如果想了解更多，可以到護苗基金網站瀏覽。http://www.ecsaf.org.hk

堅持一個有規律的日常運動可能對好多人嚟講都係一個挑戰，對於家長而言，花時間做運動更加幾乎係無可能嘅事情。讓我們 香港幼稚園 專家為您解答為什麼您今天開始需要同你嘅小朋友一齊做運動!

---

➡【Join our Mighty Oaks family!/ 快來加入奧恩大家庭】
➡【 Sign up for Acorn Trial Class now!/Acorn 試堂優惠】