好多初為父母的家長可能都會因幫小朋友選擇幼稚園而感到畏懼，特別係喺香港有咁多本地同國際幼稚園嘅情況下，喺眾多嘅選擇當中可能會令家長花好多時間同難以抉擇。但其實喺做呢個重要決定之前有好多嘢都可以準備好，我地宜家就係呢度提供貼士。

幸運地，宜家香港好多幼稚園都係好容易就可以獲得資訊，好多都有佢地自己嘅網頁同資訊小冊子可以俾家長。

首先，家長應該要先決定佢地希望小朋友接受邊類型嘅早期教育，呢樣會直接關乎到你個人嘅理念同對靈活性嘅容忍。有啲家長可能會希望小朋友可以入讀以學業為重嘅幼稚園，專注於閱讀、書寫同計算技巧等; 有啲家長可能想入讀以小朋友為中心嘅幼稚園，專注於個人學習風格，好似 Reggio Emilia Schools。後者比較著重於小朋友嘅全面發展，透過結構式遊戲學習同建立社交技巧。

好多學者提倡早期遊戲學習，因為研究發現，以呢個方式學習的孩子本質上更快樂、更成功，亦會更有效發展佢地所需嘅技能。

第二，家長要考慮佢地傾向邊種語言教育 - 中文抑或英文; 雙語抑或三語教育。 家長可以問下學校平均一星期於課堂上使用英語或中文的時間，以及每種語言進行咩活動。

第三，家長應該考慮該學校課程嘅寬度。你會唔會希望你嘅小朋友學習藝術、科學、科技、工程、數學、戲劇、音樂同運動等？仲有，體育喺香港咁細嘅環境通常都被視為相對重要，所以可以睇下學校設施嘅程度同質素。

另一樣要考慮嘅係師生比例，呢樣對於小朋友嘅安全同最佳學習都非常重要。香港政府建議學校嘅師生比例最多應為一比十一，所以可以睇下學校每班聘請左幾多位老師，仲要睇下課室嘅大細同資源嘅質素。另一樣可以考慮嘅係有無最新嘅科技，有咩類型嘅科技可以俾小朋友用同佢地係用咩電腦或平板電腦。

要考慮同提問的問題

嘗試安排一個日間嘅個人探訪，等你可以睇下課室嘅實際情況。喺探訪嘅同時，問下自己學校係咪有一個開放同歡迎嘅氣氛，啲小朋友係咪開心，大家係咪互相尊重？佢地係咪積極參與活動？老師有無照顧小朋友同正面互動？課室裏有無顏色鮮豔同有趣嘅作品展示？

問下關於家長參與嘅活動同佢地對家長有咩期望。有啲幼稚園鼓勵家長定期到校做義工，好似講故事或協助外出參觀等，有啲希望家長保持距離。諗下你期望參與到咩程度，亦可以問下入學嘅要求同過程，同需要咩費用。

參觀學校會令家長更了解果間學校係咪適合自己嘅小朋友，同其他家長傾計都係一個好方法，但謹記佢地可能有唔同嘅期望。無一間幼稚園係系完美嘅，但學習方式同氣氛都會影響小朋友的學習同開心與否。

如果想了解更多有關奧恩雙語同三語不同時段的班別，請致電+852 2806 8383 或電郵至 info@mightyoaks.edu.hk 安排學校參觀。喺 Mighty Oaks 奧恩，我地學校嘅宗旨係「建立良好品格教育，奠定終身學習基礎」，登記成為奧恩親子天地會員會員並下載免費書籍「五十條面試題目」去準備學校面試。

---

➡【Join our Mighty Oaks family!/ 快來加入奧恩大家庭】
➡【 Sign up for Acorn Trial Class now!/Acorn 試堂優惠】