這個學期，我地小組班同K1班好多小朋友都在慶祝佢地嘅細佬妹的到來，而我地嘅老師都聽左好多有關哥哥姐姐同佢地新嬰兒弟弟妹妹嘅故事。好多都係有關哥哥姐姐感到妒忌嘅故事，對於啱啱成為哥哥姐姐嘅大家其實非常正常。不過，家長可以點樣處理小朋友嘅妒忌心對於佢地點樣看待佢地嘅細佬妹都會有好大嘅影響 - 朋友或敵人。正值聖誕節即將來臨，呢篇文章將會專注於如何喺節日入面支持哥哥姐姐，令大家嘅家庭可以建立正面嘅回憶同關係。

兩歲以下
期望:
“The Self-Aware Parent”作者 Fran Walfish曾經講過:「呢個係最艱難嘅時期去迎接新嬰兒。每一個小朋友喺兩年內都需要媽媽全部嘅愛，少過兩年會增加對細佬妹嘅妒忌同抗拒心去接納細佬妹成為家長成員。」如果你嘅小朋友對於新成員無感到唔開心，有可能係佢地收埋自己嘅情感，通常呢種唔開心同妒忌會喺BB長大、開始識行、會拎哥哥姐姐玩具嘅時候呈現出嚟。

點做:
肯定你每日都有花時間同大仔/女獨處，即使只係用15分鐘去講故事。嘗試保持正面、冷靜、擁抱、親吻、微笑，因為即使兩歲以下嘅小朋友都會留意到父母嘅情感、疲態。如果你嘅小朋友喺你忙緊餵奶或者護理嘅時候想要你嘅注意或擁抱，唔好唔理佢地,同時話佢地知當你完成你手頭上嘅工作就可以花時間同佢地做想做嘅事。如果佢地都係等唔切，佢地可以同你以及BB一齊依偎喺沙發上，重點係強調你地三個一齊。如果你可以同時間講故事，我地建議你可以講有關兄弟姊妹嘅故事，幫小朋友建立兄弟姊妹關係概念。

2-3歲
期望:
好多呢個年紀嘅小朋友會變得傷感、煩躁、痴人，特別係面對新奇嘅BB。佢地嘅行為可能會倒退同期望得到同BB一樣嘅注意，例如想著尿片或者得到媽媽嘅護理。睡眠習慣都可能會改變，亦可能會要求由自己一個瞓改做同父母一齊瞓。即使佢地本來可以一覺瞓天光，都會變到一晚因為發惡夢或者引起注意例如要水或者擁抱而醒幾次。

點做:
呢個年紀嘅小朋友可能會覺得好難去表達同講出自己嘅情感。家長可以透過幫助佢地講出佢地嘅情感，例如「睇嚟你感到好擔心喎全晚訓唔好 」同給予時間及注意。如果佢地要求得到同BB一樣嘅注意，盡量滿足佢地，話佢地知只可以短時間再成為BB，咁做可以減輕佢地對於家庭地位同俾BB搶曬注意嘅不安，好快佢就會感到安心同唔再成為BB。另一個建議係清楚話佢地知作為「哥哥姐姐」應有嘅角色同責任，例如幫手換尿片或者幫手喺BB飲奶嘅時候幫手拎住奶樽。喺呢個年紀，佢地亦都正在探索獨立同自主，所以可以透過話佢地知新嘅責任去照顧同看顧細佬妹，佢地或者會將注意力放左喺新責任上。分別同家人有共處時間同做BB做唔到但「哥哥姐姐」做到嘅事都可以協助小朋友過渡。

小朋友
期望:
3歲以上小朋友相對上更能了解新成員嘅降臨，可以同佢地解釋BB唔係有心拎佢地嘅玩具或者對住佢地嘔或扯頭髮。呢個年紀嘅小朋友有更好嘅處事能力、獨立同自主能力，亦都有更多自己嘅生活，好似返學、朋友同課外活動。作為家長，你仍然係小朋友生命中最重要嘅人同埋佢地如果擔心得唔到你地嘅關注會展現出嚟，所以記住要花時間同小朋友相處，做一啲對你地嚟講好特別嘅事，肯定佢地喺你心目中嘅地位。

節日活動:
節日絕對係一個好好嘅時間同你嘅小朋友去建立良好嘅回憶。可以嘗試去戶外歷奇、散步，或者整手工禮物，好似曲奇、糖、湯、沖涼油、油畫、相架等，無需理會禮物嘅好或成功，失敗同嘗試先可以建立有趣同特別嘅回憶，記住，對小朋友嚟講同佢嘅相處先係最重要。

如果你搵緊方法鞏固同小朋友嘅關係，可以登記成為奧恩親子天地會員參加唔同工作坊同義工。(http://www.mightyoaks.edu.hk/eng/mighty_oaks_club)我地係一班不同嘅教育者同家長，走埋一齊建立一個溫暖同開放嘅空間去提供資源、知識、支持。

堅持一個有規律的日常運動可能對好多人嚟講都係一個挑戰，對於家長而言，花時間做運動更加幾乎係無可能嘅事情。讓我們 香港幼稚園 專家為您解答為什麼您今天開始需要同你嘅小朋友一齊做運動!

---

➡【Join our Mighty Oaks family!/ 快來加入奧恩大家庭】
➡【 Sign up for Acorn Trial Class now!/Acorn 試堂優惠】